المعتقدات الشامية

*اذا انكسرت كاسة يقال: انكسر الشر
* من يأكل من رغيف غيره يخاصمه و يعاديه ( كتير بتكون قاعد مع اسرة شامية على سفرة الاكل و بتلاقي الام عم تخانق ابنها لانو اكل من خبزة اخوه ليشش قال اذا اكل من خبزة اخوه بيتخانق معو )

* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)

* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )

* مراششة الميه فراق (ما بصير حدا يرش رفيقو بالمي لان بعدين بيتفرقوا )

* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين

* اذا اجت الكندرة فوق الكندرة يعني رايحين مشوار

* اذا زحف الولد او زقزقت العصافير معناها جاينا ضيوف

*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل

* اذا كان في خناقة بيقولوا اقلبوا الصرامي لتحمى الخناقة (ششششماتة ) الله لا يشمت حدا فينا

* اذا رفت عيني اليمين بيكون جاينا خبر طريف

*اذا رفت عيني الشمال بيكون جاينا خبر مو منيح

* اذا حكني حاجبي معناها بدنا نستقبل حدا جاي من السفر

* و ما بصير الحمام بالليل

*و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن )

لي بيسمع صوت غراب معناها جايتو مصيبة
و نباح الكلب وش الصبح آخرة الليل جنب البيت فقدان حدا من العيلة
و البطيخ الاصفر بالمنام موت
(و اكل البطيخ الاصفر مع الاحمر بيعمل تسمم )
و اكل السمك مع اللبن بيعمل تسمم
واذا شفت مقص مفتوح لازم فورا تسكرو ( لانو المقص الفاتح تمو بيعمل خناق ) وما بيصير نفتح ونسكر المقص كتير كمان بيعمل خناق

وإذا عمل العصفور تحتو على الأواعي يعني جاييكون رزقة

إذا حكني كفي اليمين معناها بدي أقبض مصاري

و إذا حكني كفي اليسار معناها بدي أدفع مصاري

دلق القهوة رزقة
و شرب المي بعد القهوة قلة زوء
اذا الولد الصغير كتير ابن الشهور عم يضحك لحالو
بيقولو الملايكة بتكون عم تحاكيه
و كمان في اعتقاد انو اذا البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها أبداً !!!!!!!!

و كمان يلي حامل بصبي بتتباشع
و ببنت بتحلا

و اذا الوحدة قصت شعرها بمنتصف الشهر القمري بيصير كتير و قوي

اذا ابنك الصغير زحف وهو بيمشي بيجيك ضيف واذا حكيت حاجبك بتسلم على غايب واذا انقلبت الشحاطة انتو اكبر قدر على بعضها بدك تسافر

واذا الحامل وقعت على ركبها بتجيب صبي واذا على ضهرها بتجيب بنت واذا كرهت جوزها بتجيب ولد بيشبهو واذا كرهت حماتهابتجيب ولد بيشبها

إذا رفت العين اليمين بدك تلاقي حدا كنت مفارقوا

وإذا رفت الشمال يعني بدك تفارق

واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة
واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ
والي بعد النجوم بيطلعلو تالولات بايدو
وبعد ما نخلص صلاة نطوي السجادة اشوي مشان الشيطان ما يصلي عليها

يلي بتولد بـ 29 شباط بيقولو أنها عاقر وما بتجيب ولاد -فوق مصيبتها أنو عيد ميلادها كل أربع سنين كمان عميقطعو بنصيبها-..
- يلي بيطلع أو بيسافر وما بدك منو يرجع أبداً كسير وراه جرة..
- يلي بيروح يخطب وبتصير معو مصيبة معو أو بعائلتو بيقولو أنو البنت هي السبب وأنها نحس عليه..
- ونحنا صغار كانو يخبرونا إذا شفنا قط أو فار ميت لازم الواحد يشد شعرو...
- إذا صدف وتنين منهم حكو نفس العبارة بيتسابقو ليقرصو بعض ويلي بتسبق بدو يكون خطيبها أو زوجها أحلى من خطيب وزوج التانية...
اذا واحد هر رمشو وصار على خدو ...بيحطوا اصبعتون على الرمش وبيقولوا اتمنى امنية ...وبيرفعو اصبعتون بعد ما يتمنى .....اذا ضل الرمش على خدو معناتها ما بتتحقق واذا طلع على اصبعتون بتتحقق الامنية

الخياطة ما بتقص القماشة يوم الثلاثاء قال بيصير شر لانو والفستان بيجي قدمو مو منيح
وقال اذا غلسو يوم الاربعاء غسيلاتن بيصير شي منيح

اذا قرصة العروس من ركبتها بتلحئها بجمعتا

اذا العروس مرت على بيت اهلا يوم العرس او بعد يومين بتطلق

لازم ما تطلع بمراية مكسورة مشان ما تنتحس
وان القط الاسود جني (اعوذبالله)

اول يوم من السنة الهجرية الجديدة ببيضوا ,
يعني بيطبخوا اكلات بيضا متل الشيش برك والشاكرية والرز بحليب ....الخ
بسمع انو اذا كنت عم تعصر ليمون وطرشت عيونك , منيح لانو بتحلا العيون
بئولو اذا وعت الاكلة عالارض ما بصير تئيما وتاكلا لانو بكون شما الشيطان
وكمان مالازم تترك عظم يبات عندك بزبالة بالبيت ال لانو الجن واليعاذ بالله بتتعشى منون
احيانا النسوان لما بيكونو مثلا عم بحكو عن حدا اوشي سيرة مو حلوة بيفتحو قبة قميصون وبتفو فيا كش برا وبعيد لا بتأذونا ولا مناذيكون ...!!!؟؟

ال اذا الأذن اليمين طنت حدا عم يحكي عليكي بالخير
الأذن الشمال حدا عم يحكي عليكي بالعاطل
اذا رجلك حكتك بدك تروح مشوار
اذا انكبت القهوة جاية رزقة
بيقولو مابصير البنت تكنس غرفتها بعد المغرب قال شو بتكون كسلانه
وكمان اذا في حالة وفاة وعزا بعيد عنكن بغطو المرايا والصور بالبيت بالقماش الابيض
واذا حكك كفك اليمين بكون بدك تقبضي مبلغ من المال واليسار بدك تدفعي
واذا الرجال هو ورايح عالشغل طلع بوشو تنكة مقلوبة بيتشائم وبيرجع عالبيت وبيشائمو من الرقم ١٣ والرقم ٧
كمان يلي بيحلم بعالم عم تاكل .. معناها في حدا رح يموت بالعيله
وأذا حدا حكو أنفو معناتا بدو يبكي