الثقافة الجنسية

[Dr.Apocalypse]

كيفكن شباب و صبايا ياسمين الشام

حابب أنو نتناقش بموضوع مهم كتير وخصوصي بمجتمعنا و بهالزمن يلي فينا نئول أنو عصر الثورة الجنسية

صايرين عم نعاني كتير من هلمشكلة بمجتمعنا
ويلي هي مشكلة "الجنس"
بعرف أنو الموضوع محرج شوي ....بس معلش خلينا نتناقش بشفافية و نواجه هلمشكلة الكبيرة يلي عم تهدد مجتمعنا
وخصوصي بعد ماصارو مستخدمين النت بسوريا معظمهن عم يستخدمو النت للجنس
وهادا الشي عم شوفو عأرض الواقع لدرجة أني بكون أعد محل النت و شب أدامي عم يتصفح مواقع اباحية و من دون خجل (كانو من زمان يستحو يعملو minimize أول ما يحسو انو في حدا عم يتطلع عليهن)


فحبيت أطرح هلسؤال بيناتكن لنشوف شو رأيكن بموضوع أن يكون في مادة للثقافة الجنسية تدرس في المدارس تحل هلمشكلة أنو كل الشباب بدهن يعرفو عن الجنس و عن هلعالم الخطير و عم يتخذو الوسائل غير المناسبة ليتعرفو على الجنس

[هيتمان العربي]

والله كلامك صحيح بس للاسف في ناس عم يتعلمو ولادهم من غرباء وياريت بعلموهم صح عنجد شي بزعل

وانا بقترح يكون في هيك شي انا معك



بس بدي ركز على شغلة
الكل صار عم يتعامل فيها وانا دايقت



وهل مصطلح انا اول مرة بسمع فيه هو العادة السرية

تصدق انو من شوي عرفت شو هي


وقلت لعما كيف انقبت الدنيا قلب

شكرا

[shady]

والله ما بعرف ليش معذب حالك و طارح الموضوع اخي ابو السيم
يخزي العين شعبنا مثقف بكل معنى الكلمة و من كل النواحي
و اكبر دليل على هل الشي انو لسعتنا من دول العالم الثالث
و لسعتنا ورا الامم
اول شي خليني قللك الثقافة الجنسية يا حبيبي هي عند الشعب العربي 0 كعب

-لانو لا مدارس بتعلمك شيء عن الثقافة الجنسية و لا هم يحزنون
انما ما بيجي من المدارس غير الانحراف الجنسي و التعليم الغلط و الفهم الخاطىء للجنس

وبيجيك المرشد النفسي اخر هل الدوام بعد ما بيكون مستوي الطلالب .. بيقلو حكيلي فضفضلي ( وهو بيكون بدو دكتور نفسي ليحلوو عقدة كيف بيطير الراتب كل اول شهر )

لا الشعب العربي من أباء و امهات ما عندهم الجراءة ليجكو بهل الموضوع مع اطفالهم .. هيك تعلمو من أهليلهم ( هاد الي ورتونا ياه اهل ايام زمان .... الخجل بيولد الجدبة سبحان الله ...و كلياتنا منرجع منقول الله يرجم ايام زمان )

لا حتى في برامج تعليمية..... بتخلي الواحد يعرف وين الله حاطو وليش هيك خالقو

و لا شي ...

الجنس بالمجتمع العربي اجمع هو خط احمر عريضضضضضضضضض

مع انو الغريب انو هو شي رب العالمين كرم فيه الانسان ليكمل و يزيد نسلو ( و على أساس نحن أمة اسلامية منفهم بالدين ومشايخة ليوم الله بس تعا عبي )

لك ياجماعة الخير النبي قال ( تكاثرو فاني أباهي فيكم الامم )

لك يا جماعة الخير مو نحن على اأساس امة اسلامية و المشايخة معبين القنوات و تعى عبي مشايخة بالكيلو و كل واحد مااعندو مصلح
بيصير شيخ

و للاسف ما حدا منهم بيعلم و بيفهم و بيوعي هل الجيل الكل راكد بدو يفتي الحجاب و الكليبات والبنطلون الديق ... و ما بعرف شو


لك بمدارسنا بتلاقي الطالب اول ما بيفوت على هل الاعدادي بتبلش هل الطلاب تجر بعضها و بيبلش التخبيص و بتلاقي بعدين بيضل ماشي بالتخبيص ليوصل ليوم الي بدو يتجوز بيلاقي مخو معبى زبالة ( عفوا على هل الكلمة اخي )

بس بيوصل لمرحلة الزواج وبيعرف انو كل الي بيعرفو غلط

لك حتى الكتب يا جماعة الخير الي بسوق زبالة كمان ( حياتي الجنسية - انا و حبيبتي – غرفة النوم - اسرار السرير ) و هلم جر

و ان وجد كتب راكزة ما في عندك شعب يقرا ( لانو انا وانت أفراد من أمة ليست بقارء )

يا رجل انو ثقافة جنسية لما عم بنشوف هل الكليبات و القرف على القنوات العربية و ما عم يكون عند الشخص خلفية راكزة ... كيف برايك بدو يفهم الي عم يشوفو غير باسلوب غلط

انو ثقافة عم تحكي عنها انت يا زلمة لك مشان الله فهمني بعدين

بهل الموضوع قولتك لح تحل هل المشاكل اي هل تفرج لهلق ما حدا حطلك رد متل اعالم تفرج مثلا على هل الرد الي قبل هاد شكرا ...و الله يعطيك العافية

روح اخي ابو السيم دروس او قرالك كتاب ينفعك عن الثقافة الجنسية لانو تغير المجتمتع ما بيكون الا بتغير الفرد نفسو و تحياتي الك و تحياتي للجميع

مع تحيات فرد من أمة ليست بقارئ

[moony]

لا يصلح العطار ما افسده الدهر
ماعندي تعليق غير انو هيك شعبنا ورح نضل هيك
يسلمو على الموضوع سامو

[Dr.Apocalypse]

ما منؤول غير لا حول ولا قوة الا بالله اخي شادي و اختي موني

[System-is-Down]

انا بزمناتي طرحت موضوع تعديل كتاب الديانة و كتاب العلوم بالمدارس قام كل سوريا هكلو هم اختي

انت بترضى اختك تتعلم الثقافة الجنسية

بدال ما تتفلسف روح علم اختك الثقافة الجنسية

طيب انت حكيت بهل شي مع اختك بهل موضوع , فعلا يلي استحو ماتو

اذا انت بلا ذوق و بلا اخلاق , نحنا مجتمع محافظ

طيب ماهي بالنهاية علوم , كيف الاهل و المدارس و المجتمع عم يحرمو الطلاب منها
اذا سأل الولد اهلو كيف اجينا عالدنية بيكون الجواب غبي
بالابتدائي صارت علقات بالمدرسة , شي قالو اهلو الولاد بيجو من عند الله على باب البيت "ارامكس"
شي الولاد بيجو من المستشفى "اعادة تصنيع من بشر عتق"
شي لا تسأل عيب

من وجهة نظر التحليل النفسي , الجواب الاول غير منطقي و بيصير بخلي الطفل يفكر انو الغير منطقي , منطقي ,اذا الولاد بيجو على باب البيت , معناتها يمكن انا يمكن ما يكونو هدول اهلي و يلي حطني عالباب ممكن يكون مخربط

و الجواب تبع المستشفى , كمان غير منطقي فبصير الولد يخاف من المستشفى لانو هو اجى منها و اذا مرض و رجعلها معنتها خلص ماعد يرجع عالدنية

و الجواب التالت , بيمحي شخصية الولد و بيصير بخاف يسأل ,

ما فينا نوصل الشغلة للولاد بطريقة كتير بسيطة ,انا لما سألت ماما كيف بيجو اللولاد قالت :
انت لما تكبر و بتصير بتحلق دقنق و بتحب بنت من عمرك و بتتجوز بتصير بتعرف


و مع الوقت دروس العلوم مع دروس الديانة لازم تشرح الفكرة اكتر , هيك اغلب مناهج العالم ومنهم منهاجنا بس مع الاسف ما عم يطبق صح .

و الفكرة عند العالم بسوريا اكبر من هيك بكتير ليش ما بعرف

[Dr.Apocalypse]

أخي سيستم حكيك صحيح و لاغبار عليه
للأسف نحنا صفيان مجتمع مقوقع
وكل شي بيحط تحت اسم الدين و العيب و الحرام
وخصوصي بلمواضيع الجنسية

بفضل الله انا و الماما عنا صراحة كتير بلموضيع الجنسية
و تعلمت كل شي عن الجنس بأسلوب حضاري من الوالدة

لك قسما بالله شي بيقهر هلمجتمع
شو بدي احكي اخي سيستم و ابو الشود كفو ووفو

[*ناي*]

أعتقد الناس بدايةً بحاجة لفهم معنى العبارة "الثقافة الجنسية"
وتصحيح الخيالات والصور والأفكار الخاطئة المرتبطة بها
لأن فكرة الثقافة الجنسية مرتبطة لديهم بكل شيء يسيء الى مفهومها.
مرتبطة بمشاهد الكليبات والتصرفات المغلوطة من حولهم ,
وربما لا ألومهم في ذلك, كون التثقيف الصحيح الغير موجود - الذي نبحث في اهميته هنا - هو سبب هذا الفكر المغلوط.

انا بزمناتي طرحت موضوع تعديل كتاب الديانة و كتاب العلوم بالمدارس قام كل سوريا هكلو هم اختي
انت بترضى اختك تتعلم الثقافة الجنسية
بدال ما تتفلسف روح علم اختك الثقافة الجنسية
طيب انت حكيت بهل شي مع اختك بهل موضوع , فعلا يلي استحو ماتو

دائما في امور كهذه , يُدخلون الفتاة وكأنها عائق , وكأنها من كوكب آخر.
لأن الله لم يخلق للفتاة حياة جنسية كما الرجل!
ولأن تثقيفها بها من المحرّمات!
الغريب عندما يتدخلون باتخاذ القرار وفرض الاحكام بأمور لا يفهمونها ولا تتعلق بهم اساساً , وهم غير مدركين لحاجتها عند غيرهم.
كثيرة هي المفاهيم التي يجب أن تُصحّح.