الحقيقة المزعجة .....

[Dr.Apocalypse]

الله يعطيك العافية ابو الشود عهلموضوع
دائما مواضيعك متعوب عليها
بس الموضوع مو سهل أبدا
موضوع الاحتباس الحراري و نتائجه فيك تئول انو Irreversible
بس فينا نخفف من موضوع الاحتباس الحراري منشان ئدام
بس صعب كتير لأنو هادا الموضوع بلذات بدو تعاون بأكتر من جهة
يعني أيد لحالها ما بتسفئ

[shady]

اهلا و سهلا فيك اخي اسامة و شكرا لمشاركتك

[عماد الأرمشي]

موضوع أكثر من رائع حبيب قلبي شادي .. و لقد قرأته و ببالي التعليق عليه ، لأن إرتفاع درجات الحرارة في دمشق في منتصف شهر تموز .. كان مثالاً صارحاً !!!!!! و تأكيداً على ما تفضلت به ...

لي عودة بعد ترتيب أوراقي و ستكون الأولوية لهذا الموضوع لأنه صار ضرورة ملحة بعد القضاء على رئة دمشق الخضراء ( منطقة كيوان ) ولا بد من نشر عدة مقالات و نداءات للمسؤولين في سوريا بخصوصه .

[shady]

أهلا و سهلا بك عمي عماد مرة اخرى

نورت الموضوع بوجودك و بانتظار عودتك

[ارجوحة الياسمين]

السلام عليكم ...

أما فيما يتعلق بالممارسات اليومية التي يمارسها البشر يوميا ً في كافة بقاع الأرض , فإن لها أكبر الأثر على كوكبنا الأخضر الذي يشهد حاليا ً كوارث بيئية خطيرة على وشك تدمير جميع الأنظمة البيئية القائمة ...

و لو أن كلا ً منا فكّر قليلا ً قبل ممارسة أي نشاط لما تضخّمت الآثار السيئة للطفرة التكنولوجية التي نعيشها , و لحافظنا أكثر على كوكبنا ...

مثلا ً , و كما قال الأخ شادي , لو أننا استخدمنا الأكياس الورقية للاستعمال اليومي مثل التبضع و نقل الحاجيات بدلا ً من الأكياس البلاستيكية صعبة التدوير لما تراكمت النفايات بشكل كبير و لما احتجنا أساسا ً إلى حرقها و إنتاج تلك الكميات الهائلة من غاز ثاني أكسيد الكربون الذي دمّر النظام الحراري للأرض و سّرع في تنشيط ظاهرة الاحتباس الحراري و آثارها ...

ممارسات كثيرة و بسيطة لو داومنا عليها لكان حالنا أفضل ؛ زراعة الأشجار , و استخدام البدائل العضوية سهلة التحلل عوضا ً عن المواد صعبة التدوير كما ذكرنا سابقا ً , التنازل عن قليل من " البرستيج " و استخدام الدراجات الهوائية له أثر ٌ كبير في التخفيف من إنتاج الغازات الضارة بالبيئة كما هو شائع في البلدان الأوروبية , التخفيف من استخدام بعض المستحضرات التجميلية و الطبية التي تسهم في زيادة انبعاث الغزات الضارة إلى الغلاف الجوي مثل مثبت الشعر , و غيرها الكثير ...

بالممارسات الصحية سيكون كوكبنا أفضل , نحتاج فقط إلى القليل من بعد النظر و الكثير الكثير من الإرادة و العمل ...

[shady]

المشاركة الأصلية كتبت بواسطة ارجوحة الياسمين

مثلا ً , و كما قال الأخ شادي , لو أننا استخدمنا الأكياس الورقية للاستعمال اليومي مثل التبضع و نقل الحاجيات بدلا ً من الأكياس البلاستيكية صعبة التدوير لما تراكمت النفايات بشكل كبير و لما احتجنا أساسا ً إلى حرقها و إنتاج تلك الكميات الهائلة من غاز ثاني أكسيد الكربون الذي دمّر النظام الحراري للأرض و سّرع في تنشيط ظاهرة الاحتباس الحراري و آثارها ...

...

اهلا و سهلا يا مرجوحة نورتي بزيارتك المنتدى الموضوع

شكرا لأضافتك الجميلة و مشاركتك

تحياتي الك

[فستئة]

سنة ال2006 رعت بلدية دبي المؤتمر الشبابي لحماية البيئة العالمية المنطلق من السويد و اللي بلشت فيه السويد من سنة ال2000 ، الحلو كان بهالمؤتمر انو زاد الوعي بالحفاظ عالبيئة وبنفس الوقت مع محفزات ومكافآت ، المهم انبسطنا انو شاركنا واشتغلنا بأبحاث وحملات توعية ودراسات ميدانية وتوصيات و..و... و... بس لما اجينا دققنا بالتفاصيل بدئاً من كل بيت لقينا انو تلت رباع مستلزماتنا اليومية بهاد الوقت حتى أبسطها بتساهم بالتلوث ومستحيل نستغني عنها ، أبسط شي التغسيل بالصابون والشامبو والعطور وحتى العلكة ! فشي طبيعي جدا بعد المؤتمر ولهالسنة يضل كل شي على حاله من جميع مظاهر التلوث البيئي والسبب الإنسان !

هالشي بذكرنا بالآية الكريمة :
(ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ) [الروم: 41]


هلأ بنفس الوقت ما منقطع الأمل لأنو مع هيك بضل في شوية حلول عم تتطبق ، مثلاً هون بالجمعيات عملو كياس صديقة للبيئة قابلة للتحلل وبكارفور نفس الشي بالإضافة لكياس بتنشرى ليعاد استخدامها بكل مرة بتتسوق .. انو مبنا شي الحمد لله في مخاخ عم تشتغل

شكراً عالموضوع شادي

[ammouna]

المشاركة الأصلية كتبت بواسطة shady

اهلا و سهلا يا مرجوحة نورتي بزيارتك المنتدى الموضوع

ظريفة هي

من بين الطرق الحديثة للتقليل من غاز CO2 المنبعث بالغلاف الجوي طريقة تقتضي بتخزين هالغاز بالطبقات الأرضية
كنت قريت عنها شوي بالفرنسي بعدين عملت بحبشة عنها بالعربي
طلعلي هالمقال بيحكي عنها بشكل مفصل يعطيه ألف عافية للي كاتبو
بس متل ما سبق وقلت انو هيك تكنولوجيا بتكلّف كتير واستعمالها قليل جدا
اللي بيحب يقرا عنها هاد لينك المقال اللي انا لقيتو :


تخزين ثاني أوكسيد الكربون داخل الطبقات الأرضية



.

[shady]

المشاركة الأصلية كتبت بواسطة فستئة

هلأ بنفس الوقت ما منقطع الأمل لأنو مع هيك بضل في شوية حلول عم تتطبق ، مثلاً هون بالجمعيات عملو كياس صديقة للبيئة قابلة للتحلل وبكارفور نفس الشي بالإضافة لكياس بتنشرى ليعاد استخدامها بكل مرة بتتسوق .. انو مبنا شي الحمد لله في مخاخ عم تشتغل

شكراً عالموضوع شادي

أول شي أهلا و سهلا يا فستئة نورتي الموضوع

انا برجع بشد على كلامك انو ككتير من الاحيان ..بعض التصرفات البسيطة بحياتنا اذا غيرناها بتساعد بنتيجة كتير كبيرة ......

و اكبر مثال الي انتي حكيتي عنو كيف انو بال carefour صار يعرضو انوع من الكياس القماشية و الورقة الي هي قابلة للتكرير و التحليل بس بدون ما تضر البيئة مو متل الكياس البلاستيكية الي هي بالاساس مكررة و مصنوعة من شي مليون .... مدري شو و معالجينا و جايبيها لعنا

برجع بتشكرك على مشاركتك و اهلا و سهلا

[shady]

المشاركة الأصلية كتبت بواسطة ammouna

ظريفة هي

من بين الطرق الحديثة للتقليل من غاز CO2 المنبعث بالغلاف الجوي طريقة تقتضي بتخزين هالغاز بالطبقات الأرضية
كنت قريت عنها شوي بالفرنسي بعدين عملت بحبشة عنها بالعربي
طلعلي هالمقال بيحكي عنها بشكل مفصل يعطيه ألف عافية للي كاتبو
بس متل ما سبق وقلت انو هيك تكنولوجيا بتكلّف كتير واستعمالها قليل جدا
اللي بيحب يقرا عنها هاد لينك المقال اللي انا لقيتو :


تخزين ثاني أوكسيد الكربون داخل الطبقات الأرضية



.

هلق اول شي دبريلنا ياها امونة يعني عملي حالك ما شفتيها ههههههه

تاني شي عن جد كتتتتتير بتشكرك على المشاركة و الرابط الي حاططي و بنصح انو الكل لازم يقراه لانو جدا مفيد و معلومات حلوة

و منتمنى يوم من الايام هي الخطوات تم لحتى يتحسن الوضع لقدام ولو خطوة ...

بس في نقطة كتير مهمة كانت مبهمة بالموضوع و غير مذكورة ..

و الي هي ... يا ترى بعد البدء بتخزين co2 بالأرض بقلب حزانات جوفية او بغض النظر كيف

شو هي النتيجة لح تكون و شو تاثيرها السلبي و الايجابي على الأرض

لانو قبل ما يتم اتخاذ هيك خطوات لازم نعرف اكيد شو هي العواقب التانية الي لح تنتج

برجع بقول شكرا كتير على مشاركتك بالموضوع

و تحياتي الك