الحقيقة المزعجة .....

[ammouna]

المشاركة الأصلية كتبت بواسطة shady

هلق اول شي دبريلنا ياها امونة يعني عملي حالك ما شفتيها ههههههه

لك شبها بس
والله كتير ظريفة

المشاركة الأصلية كتبت بواسطة shady

بس في نقطة كتير مهمة كانت مبهمة بالموضوع و غير مذكورة ..

و الي هي ... يا ترى بعد البدء بتخزين co2 بالأرض بقلب حزانات جوفية او بغض النظر كيف

شو هي النتيجة لح تكون و شو تاثيرها السلبي و الايجابي على الأرض

لانو قبل ما يتم اتخاذ هيك خطوات لازم نعرف اكيد شو هي العواقب التانية الي لح تنتج

سؤالك في محلو بس لو ترجع تقرا المقال لح تلاقي انو الكاتب أشار لهالنقطة ولو بشكل غير مباشر
تخزين الـ co2 جوا الطبقات الأرضية رح يساهم بشكل كتير كبير بخفض نسبة هالغاز المنبعث في الغلاف الجوي
بس كمان هالتخزين لازم يتم بعد دراسات
انت سبق واشرت انو الزلازل فيها تحرر الغازات اللي بالطبقات الارضية وعليه عملية التخزين لازم تتم بمناطق تكون غير نشطة أو مستقرة جيولوجيا
بس يا ترى هل هالمناطق رح تظل مستقرة جيولوجيا للأبد؟ هي من جهة
من جهة تانية كاتب المقال أشار أنو الـco2 بعد تخزينو ممكن يتسرب لآبار مجاورة وبالتالي ممكن يسبب كوارث

و ما يثير السخرية, أن الآبار نفسها تعد مشكلة محتملة.

قد يكون هناك مئات من مثل تلك الآبار في حقل للنفط. إذا ما كان الحقل قديما, فقد يدمر الاسمنت الموجود حول مغلفات البئر. قد يؤدي ذلك إلى إيجاد ممر للـCO2 كي يخرج. هناك عدة طرق لإعادة زفلتة الآبار بحيث تزود إغلاق محكم للـCO2 المنفصل.

هناك ممر آخر للـCO2 وهو التسرب عبر الشقوق في القشور الصخرية. يتم فصل CO2 في المناطق المستقرة من الناحية الجيولوجية, حيث يستبعد حدوث الزلازل. على أية حال فإن فصل CO2 بحد ذاته قد يؤدي إلى ضغط متزايد تحت القشرة الصخرية و بالتالي يسبب التصدعات. و الحل لذلك هو مراقبة الضغط و الانتباه لعدم تجاوز حدود التشكيلات.

طريقة التخزين الأنسب والأضمن برأيي هي اللي بتكون بالأحواض الجوفية أو بالمحيطات عن عمق يزيد عن الـ 1000 متر
لأنو الـ CO2 رح ينحل بالمي ويدخل بدورة الكربون
بس السؤال الأهم اللي لازم ينطرح...بما انو العلم توصل لطريقة لالتقاط الـCO2 من مصدر انبعاثو ليش لحتى نخزنو تحت الأرض؟
ليش ما نستفيد منو ونستعملو بمختلف المجالات الصناعية والكيميائية والبيولوجية؟
الـCO2 ممكن نفاعلو مع عناصر كيميائية متل أوكسيد المغنيزيوم (MgO) أو أوكسيد الكالسيوم (CaO) ورح نتحصل على كربونات المغنيزيوم (MgCO3) و كربونات الكالسيوم CaCO3 اللي كلنا منعرفو باسم الكلس
وهاد غير المركبات اللي فينا نتحصل عليها واللي بتستخدم بالمجالات الكيميائية والبيولوجية متل اليوريا والميثانول
اما بالصناعة فأبسط مثال عن استخدام الـ CO2 هو المشروبات الغازية وكمان بيستخدم بعمليات التلحيم وحفظ الأطعمة وحتى بإطفاء الحرائق
يعني هالتكنولوجيا لو طبقت اكتر رح تخدمنا بشكل كبير

[shady]

المشاركة الأصلية كتبت بواسطة ammouna

سؤالك في محلو بس لو ترجع تقرا المقال لح تلاقي انو الكاتب أشار لهالنقطة ولو بشكل غير مباشر
تخزين الـ co2 جوا الطبقات الأرضية رح يساهم بشكل كتير كبير بخفض نسبة هالغاز المنبعث في الغلاف الجوي

كلامك صحيح ..... والفائدة لح تكون تمام .... بس ولكن الأصد انو شو لح يكون الأثر على طبقات الأارض الي لح يتم فيها تخزين الco2 لانو متل ما بتعرفي ... عملية التخزين و لفترات طويلة بيتنج عنها تحلل و تخمر ....فشو هي النتائج و هل هي مرضية أم مؤذية

متل نتائج الثورة الصناعية الي عملت ثورة بالتكنلوجيا ... بس كلها كانت 90 % مضرة ...للكرة الأرضية بشكل أو باخر

المشاركة الأصلية كتبت بواسطة ammouna

بس كمان هالتخزين لازم يتم بعد دراسات
انت سبق واشرت انو الزلازل فيها تحرر الغازات اللي بالطبقات الارضية وعليه عملية التخزين لازم تتم بمناطق تكون غير نشطة أو مستقرة جيولوجيا
بس يا ترى هل هالمناطق رح تظل مستقرة جيولوجيا للأبد؟ هي من جهة
من جهة تانية كاتب المقال أشار أنو الـco2 بعد تخزينو ممكن يتسرب لآبار مجاورة وبالتالي ممكن يسبب كوارث

كمان بقلك هل الشي صح .... بس بدنا نعرف نحن مررة تانية بقول شو هو أثر ثاني اوكسيد الكربون على التربة و الأرض اذا ضل داخل هل الخزانات الجوفية و لفترات طويلة

المشاركة الأصلية كتبت بواسطة ammouna

بس السؤال الأهم اللي لازم ينطرح...بما انو العلم توصل لطريقة لالتقاط الـco2 من مصدر انبعاثو ليش لحتى نخزنو تحت الأرض؟
ليش ما نستفيد منو ونستعملو بمختلف المجالات الصناعية والكيميائية والبيولوجية؟
الـco2 ممكن نفاعلو مع عناصر كيميائية متل أوكسيد المغنيزيوم (mgo) أو أوكسيد الكالسيوم (cao) ورح نتحصل على كربونات المغنيزيوم (mgco3) و كربونات الكالسيوم caco3 اللي كلنا منعرفو باسم الكلس
وهاد غير المركبات اللي فينا نتحصل عليها واللي بتستخدم بالمجالات الكيميائية والبيولوجية متل اليوريا والميثانول

كلامك صحيح بس انا متاكد انو كميات ثاني اكسيد الكربون الناتجة عن البشر انما اكتر بكتير بكتير مما أنو يتم اعادة أستخدامها بصناعات اخرى

و حتى فكرة تخزين ال co2 داخل الأرض قد تكون غير صالحة ... لانو مع الوقت و مع الزمن لح يتداخل الكربون بالتربة و شوي شوي يوصل للنبات .... و اذا وصل للنبات ... اهلين فتنا لمشكلة تانية

خصوصي أنو النبات جذورها بالأرض ... و الباقي من عندك كملي

[ammouna]

اي صح معك حق لأنو حتى لو تم التخزين جوا طبقات عميقة جدا تحت الأرض وحتى لو تم جوا صخور
هاد ما بيمنع حدوث ظاهرة التعرية بفعل العوامل الطبيعية أو حتى بفعل الإنسان نفسو وكمان ما بيمنع انتشار وتسرب الـ co2
ارتفاع نسبة الـco2 بالتربة اكيد إلها عواقب وخيمة بيكفي انو نذكر أثره السلبي على البكتيريا المثبتة للآزوت الجوي بالتربة (ظاهرة حيوية كتير مهمة لنمو النباتات )
وبدون ما ننسى تحفيز نمو بعض أنواع الفطريات (هالشي كمان إلو ايجابيات وإلو سلبيات)
بصراحة ما عندي معلومات كتيرة عن أثر ثاني أكسيد الكربون على التربة
بس اذا بتحب بعمل بحث عن الموضوع وبطرحو هون
خلاصة القول انو أي تكنولوجيا اكيد إلها سلبيات متل ما إلها ايجابيات
وتطبيق هيك تكنولوجيا لازم يتم بعد دراسات مطوّلة وبخطوات موزونة
بس نظرا لقلة الحلول البديلة هالتكنولوجيا تعتبر حل مثالي للتقليص من انبعاث الـCO2
إلا اذا تم اكتشاف تقنية تانية سلبياتها تكون أقل
أو أقله يلاقو حلول لسلبيات تقنية التخزين تحت الأرض.

[Snakull]

انتشار الأمراض المعدية في العالم

معلش تشرحلي هي النقطة بعد اذنك







و متل ما طرح الأخ شادي ولاخت أمونة و الأخ سيرينتي و غيرن إنو الإنسان هوي المسبب الأول و الأخير



بس يا ترى هل نحنا السبب



لا طبعا



المصانع الكبيرة و كبرى الشركات هيي السبب



نحنا منستغني عن علبة ديدورانت (بدي سبراي)



منحاول نخفف قد ما فينا



بس هنن مش فارقة معون إن صار في احتباس ولا لاء



بعني هيك شركات همها كيف تربح و بس



ولا حتى قطع الأشجار



وين بدنا نزرع و مين بدو يعتني و كم رح نضل لحتى يصير فعلا في "شجر"



هيك شغلات بدها مؤوسسات تحكي فيها



و مين فاضي للاحتباس لحتى يعملو مؤوسسة كل واحد بدو يطمع بالسلطة و ايــــــــه



الموضوع بالنسبة إلي ميؤوس منو



يا الطبيعة بتنفد حالها و الله بيرحمنا من عندو



يا اما سلمات