|
|
|||||||
| كاميرا ياسمين الشام صور من سوريا بكاميرا ياسمين الشام |
|
اعلانات |
|
 |
|
|
أدوات الموضوع | إبحث في الموضوع | طرق مشاهدة الموضوع |
|
#1
04-07-2010, 5:44 pm
|
||||
|
||||
سيران بالغوطة غير شكل وما بينتسى
( لأن الرحلة في العالم الافتراضي ولا أملك صورا حديثة لسيران كهذا .. ولان اغلبنا غير متواجد في دمشق فافسحوا المجال لخيالكم يحلق في سماء دمشق وغوطتها وفي فضاء خيالكم اللامحدود )
سيران بالغوطة غير شكل وما بينتسى .. تفضلو معنا يسعد صباحكن لكل اخوتنا ومتابعينا بمنتدى ياسمين الشام .. من زمان ونحن عم نخطط نطلع سيران ناح الغوطة ونعيش اجواء الربيع وزهر الربيع واجواء شهر نيسان وكلنا منتزكر الرحلة الحلوة الظريفة اللي طلعنا فيها عالزبداني وبلودان بمعية اخونا عماد الارمشي وكانت طلعة متورخة ما بتنتسى ومن كتر ما كانت حلوة ناس كتير قلدونا بالطلعة وسرقو القطار والسكة والقصة طويلة مابدنا نرجعلها المهم نحن اليوم رتبنا لطلعة سيران ناحيت الغوطة المليحة وزبدين وبيت سوا وجسرين ودير العصافير وكلها ضيع وقرى من احلى واجمل ما يكون طبعا هالسيران على شرفكن كلياتكن وبزين السيران وبيعطيه نكهة وجود التيتة ام زكوان معنا بالسيران بتسلينا بحكياتها عن سيارين ايام زمان .. ها هاي شرفو الشباب والصبايا للطلعة عالسيران ورح نجهز الغرض ونتكل ونمشي سوا طبعا سيراننا يوم الجمعة والشمس مافي احلى منها والسما صافية كتير كتير وكل واحد منا جهز سلة السيران وترامس القهوة والشاي واتفقنا اللي بجيب اللحمة واللي بجيب عدة المقالي وكمان ناس بتجيب عدة السلطة والفتوش والخضرة وتاكيد ما نسينا النئرشة وشوية معجنات للفطور وفي منا ناس حبو يجيبو معهن فول مدمس ومسبحة على شوية لبنة للفطور واهم شي قلنالن يا جماعة الاراكيل والمعسلات ومنقل الشوي والبرسيس اما الفواكي فاتفقنا ناخدها بطريقنا من بعض البسطات اللي بتبيع الفواكي الجديدة بطريقنا للسيران متل العوجة والاكدنيا على شوية كرمنتينا وتفاح وبردئان .. المهم الكل اجتمع مارح اذكر اساميهن خليهن هنه يعرفو بحالن واتفقنا كمان اذا حدا حب من الشباب والصبايا السيران يلحقنا بالباص او بسيارتو او ياخدلو شي سوزوكية ولا طرطيرة الزي منو ويلحقنا بكير قبل مانكون اكلنا وراح الفطور والغدا عليه . تم الاجتماع بمكان اتفقنا عليه بساحة باب توما باعتبارو قريب من اول طريق الغوطة وقلنا بسم الله ومشينا عالسيران ناح الغوطة الشرقية .. تفضلو رافقونا .. أول طريق الغوطة الكل رايح عالسيران بسيارتو الخاصة او بسيارة اجرة الطريق للغوطة كان بجنن من روعته وجماله اشجار الحولر والصفصاف والجوز عالجنبين واحيانا ما منشوف الشمس من كثافة الاشجار دخلنا طريق فرعية كمان شي حلو وبياحد العئل من جماله طريق بالغوطة شجر الجوز عالطرفين سبحان الخالق ياعيني على نهر بردى شوفو المي ببردى كيف عم تخدء خدء الشباب هفت نفسهن عالسباحة وصورة تانية لبردى واشجار الحور عالطرفين شي بجنن وحلو كتير وقفنا السيارات مع جنب وحملنا اغراضنا وقطعنا النهر من فوق هالجسر لنلاقي مطرح بالبستان وجنب النهر كل شي طبيعي حلو شوفو على جمال الغوطة والطبيعة وبهالمناسبة الحلوة طلع معي هالمنولوج من وحي السيران شوفوه مع طلة شهر نيسان ............. شو بيحلى معنا السيران الزهر مفتح هون وهون ........... وجمالو اشكال ولوان اقحوان مع بنفسج ........... ومنتور وفل وريحان سيران مرتب بأصول ........... ومجموعة كلا خلان والكل مشئرء مبسوط ........... بوجود التيتة ام زكوان شدو همتكن يللا ........... بسيران لناح الغوطة مشرفين واعضاوات ........... وبرياسة هالنقوطة منتسيرن ومنتسلى ........... بكم غنية وزلغوطة انشالله فرحنا دايم ........... وكل الشلة مبسوطة لاتنسولي التبولة ........... واللحمة والمشاوي وكم فروج وحباشاتن ........... والكبدة والكلاوي ورز بفول فول مقلا ........... أكلة منحبا والله مع سلطة لبن وخيار ........... وعنها مارح نتخلى مناكل منها ما منشبع ........... وبعدا بدنا نتحلى ياعيني عالمقالي ........... بطاطا مع بيتنجان والزهرة وشوية توم ........... أكلة بتنعش الابدان وجاط السلطة والفتوش ........... وكم ابريق لبن عيران فيهن بتفتح النفس ........... وفيهن بيحلى السيران ولاتنسو هالاركيلة ........... وجيبو معكن دربكة والمعسل والبرسيس ........... من غيرن والله لبكة هاتو الدربكة والعود ........... ومنكن نسمع غنية غنولأم عيون السود ........... أم الطلة البهية وعين الحاسد فيها عود ........... ما شالله بهاللمية فرحي فيكن مالو حدود ........... والمحبة أبدية وهلأ رح نوقف نستريح شوي لبين ما تصل بقية افراد جماعة السيران ونا رح اعمل نظرة عالتيته مسكينة تعبت .. راجعتلكن
__________________
مررت من هنا فاعشوشب الدرب وتفتح البنفسج 
|
|
#2
04-07-2010, 6:02 pm
|
||||
|
||||
|
وهلأ رح منكمل معكن
متل ما قلنالكن وقفنا عند بياع العوجا واشترينا من عندو عوجا وعئابية اول فواكي الصيف ياعوجا وهاي العوجة صارت جاهزة للاكل شوفو العوجا عالشجر كيف بتكون وكمان ما نسينا الجانرك والتوت الشامي مممم شي طيب شجر الجارنك اكيدنيا يا حلوة .. سبحان الخلاق هاي الاكدنيا جاهزة .. مدو ايديكن مممم طيب كتير موقلتلكن السيران غير شكل لساتنا بأولو وانا عم انتظر باقي جماعة السيران يعرفو بنفسهن
__________________
مررت من هنا فاعشوشب الدرب وتفتح البنفسج
|
|
#3
04-07-2010, 6:16 pm
|
||||
|
||||
|
الله الله ..
الله على هالنسمة ما احلاها بهالصيف .. والله الطلعة من جو المدينة والجية لهون بترد الروح .. اااااااااااااااه ( بمد ايدي هيك وهيك .. تقول هلأ فايق من النوم ) ثواني نقووطة ليكني انا هون بس عم احكي مع اخواتي بالسعودية وجاكرون انو طلعنا سيران لاتخلي الباص الهوب هوب يمشي حاكم مو جاية بسيارتي جاية بالباص تبع السيران
__________________
 التعديل الأخير تم بواسطة : شاغور الشام بتاريخ 04-07-2010 الساعة 6:26 pm.
|
|
#4
04-07-2010, 6:21 pm
|
||||
|
||||
|
لك ااااااااااااخ اسئلة سيرين السنة الماضية شو كانت حلوة
الله يرحم هديك الايام بتذكر مرة من المرات كانت معنى فمنتي و كانت على الشجرة متخبية و قعت و انكسرت رجلها ههههههههههه يلا كل العادة انا رايح جيب او تجسين هل المرة لح كبر الباص و جيبو 45 راكب لانو لحمد لله المرة كترانين اكتر من المرة الماضية و يبدو لح تكون روحة مرتبة بس ليكو من هلق اذا بدها لؤلؤة تطلع تتعربش على الباص من فوق من هلق ما بطلعها سمعانين و الو انتي نقطة مو تأدحينا كم هل السنة كمان و تنسي اليمون و الزيت تبع التبولة ايوا من هلق يلا رايح انا و ما بطول لح دق و خبر ابو السيم و امونتي
__________________
راح لبعيد سافر بعتمات الفضــــا ....تخبى على الأكيد بلحظات الوقت الي مضـــى رااح لبعيد تخبـــى على الأكيد ... غاب مع النسيان مع أنو بعمرو ما بينتســى تركني بهل الأيام... ..(قريـــب)..
|
|
#5
04-07-2010, 6:51 pm
|
||||
|
||||
|
ياســـــــــــــــــــــــــلام على هيك ســــــــــــــــيران
والله ... بدون حلف آيامين .... يعني من شي طعشر سبعطاعشر تسعطعشر سنة ما شفت الغوطة أيام الزهر ..... أصلا نسينا ريحته .... و الميموري تبع الدماغ ما عاد يقدر يجيب الريحة نفسها ... ايه والله ... ما عم نشم إلا ريحة عوادم السيارت و رطوبة البحر تبع الخليج .... معشعشة بالنافوخ ... وبدها سنين لحتى تروح من النافوخ . ياستي ... يعني كل صورة لازم نتئنا عليها و نشوفها منيح .... الله ... الله عليك يا شـــــام ...... و مشاوير الشام ... و سيارين الشام .... وحياة سيدنا محمد ...راح يفحم قلبي يا جماعة الخير شي طبخة فول مقلى ... من فولات الشام البلدي .... وبجانبها توم أخضر فريك طازج .... و ابريق لبن عيران مع الثوم ..... بس وين .... ؟؟ خص ... نص .... بالغوطة ... على البساط و تحت الشجرات ..... وفيروز عم تغني نسم علينا الهوى ....... أنا ما عاد بدي كمل .... راح أرجع على البيت .... أحسن ما تجيني شي جلطة ... تجلطني ..... ولسه ما بدينا بالسيران .... اسمحولي .... وين السوزوكي ..... بخاطركن .....
|
|
#6
04-07-2010, 7:14 pm
|
||||
|
||||
|
لك وين وين عمي عمااااد
بعيد الشر عن قلبك .. ان شاء الله الجلطة لعدوينك .. اي والله والله ما بتروح .. والسييران ما بيحلى الا بهالطلة الرايقة تبعك .. معلش عمي خليك ورح ننبسط خير الله بهالسيران وتنسى كل همومك وتسترجع ايام السيرين والروحات والجيات ع الغوطة وهي السوزوكي صفيناها هون .. وتعا خلينا نكمل بالباص .. ونغني كم غنية ع الصبايا نهزللون بدنهون فيها ههههههههه
__________________
|
|
#7
04-07-2010, 8:55 pm
|
||||
|
||||
|
الله حيو سيران علغوطة
خصوصي هلأ بهلجو الربيعي اللطيف وهي جبت معي الدربكة منشان نغني و نهيص  وهي جبت شال رقص خص نص لأخي أبو الشود بدنا نربطه على خصره و نشوف رقصه  لك الراقصة شادو عليها خصر فشرت خصر فيفي عبده أدامه
__________________
SaAaAaMoOoO Have faith in God because He shall never fail you Where words are scarce they are seldom spent in vaiN
|
|
#8
04-07-2010, 9:39 pm
|
||||
|
||||
|
لحظة لحظة ستنووووووني وانا بدي روح كمان
وجبتلكون معي شوي فول وبازيلا خضرا هدول مو للمونة هدول للنقرشة يلا فصفصو وكلو  وهي بازيلا حللللللوة من عنا من المزرعة
__________________
When life is in darkness And nothing is right , Remember Allah is the light
|
|
#9
04-08-2010, 12:26 am
|
||||
|
||||
|
ماشاء الله شو هاد الله حيو الشباب الطيبة اهيك ها بيضوها الشباب من اولها عماد وشادي وشاغور الشام والدكتور اسامة وكمان ريمان بنت اخونا عماد مانسيت الفول الاخضر ناطرين الصبايا .. ليكون راحو يحتفلو بكسبهن جولة مبارح ونسيو السيران يللا معليش بيطلعلن ومنستناهن ليكملو معنا وكمان بقية الشلة من الشباب الطيبة
هلأ انا نسيت ليش فتت ايه ايه هلأ تزكرت موتاري الصور اللي حطيتهن لطريق الغوطة ماظهرو لاسباب مابعرف ليش منشان هيك انا رح ارجع حطهن من اول وجديد وكتر الصمغ والغراء تحتهن منشان مايسلتو مرة تانية .. وهاي معكن الصور . اتكلنا على الله ومشينا بطريق الغوطة الطريق كتير حلو وناس كتير مرافقتنا عالسيران ياسلام على الطريق أديش حلو اشجار الحور والصفصاف والجوز مخيمة عالطريق من الجهتين ويادوب نشوف الشمس من كثافة الشجر شي بياخد العئل وهلأ تركنا الطريق الرئيسي ودخلنا بطريق فرعي ظريف مزفلت وكمان ظريف هون شفنا طريق ترابي بقلب البساتين واشجار الجوز عالصفين يا سلام شي حلو ومناظر ولا اروع من هيك شو بدي احكيلكن عن بردى والله الحكي مو متل الشوف ياعيني على بردى وذكريات بردى ياسلام شوفو كيف مية بردى عم تخدء خدء والشباب هفت نفسهن عالسباحة واو شو هاد ياسلام على شي قعدة هون .. طولو بالكن المطرح اللي رايحنلو شي روعة ومابتتخيلو جمال المناظر اللي فيه .. بس استنو عليي شوي ولا تستعجلو هلأ هون بعد اذنكن رح نوقف الباص والسيارات هون ونكمل مشي شو رأيكن لاتخافو مطرح مابدنا نئعد موبعيدة كتير لاتقولولي .. والله كل شي طبيعي حلو ياسلام على جو الغوطة وسيارين الغوطة بدي اتشكر اللي ثبت الموضوع من اخوتنا المشرفين ورح اتوصى فيه بالمشاوي وكمان بسكبة الرز بفول والفول مقلى وبجوز يدخل اسمو بالتاريخ بشي قصيدة مديح مني ..هههه
__________________
مررت من هنا فاعشوشب الدرب وتفتح البنفسج التعديل الأخير تم بواسطة : نقطة مطر خريفية بتاريخ 04-08-2010 الساعة 12:29 am.
|
|
#10
04-08-2010, 1:32 am
|
||||
|
||||
|
وهي كمان صورة منعشة لبردى البااارد بس هون كتييير نظيف ما بعرف كيف
 وهي الصورة بتوحي برائحة الربيع بالغوطة هاد الورد الاصفر ريحتو حللللللللوة كتييير  هي وحدة تانية
__________________
When life is in darkness And nothing is right , Remember Allah is the light
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طرق مشاهدة الموضوع | |
|
|
العرض العادي
